ပျဉ်းမနား ဇူလိုင် ၄
ပြည်ထောင်စုနယ်မြေ၊ နေပြည်တော်၊ ပျဥ်းမနားခရိုင်၊ ပျဥ်းမနားမြို့နယ်၊ ညောင်ပင်သာကျေးရွာတွင် မွေးမြူရေးနှင့်ကုသရေးဦးစီးဌာနမှ ဝက်မွေးမြူရေးဆိုင်ရာအသိပညာပေးဟောပြောခြင်းနှင့် ဇီဝလုံခြုံမှုဆိုင်ရာသင်တန်းပေးခြင်း လုပ်ငန်းများ ကွင်းဆင်းဆောင်ရွက်ခြင်းကို ယနေ့ နေ့လည်ခင်းတွင် အဆိုပါကျေးရွာဓမ္မာရုံ၌ ကျင်းပခဲ့သည်။
အဆိုပါအခမ်းအနားတွင် မွေးမြူးရေးနှင့်ကုသရေးဦးစီးဌာန ဒုတိယညွှန်ကြားရေးမှူး ဒေါက်တာမြခဲ (ကွင်းဆင်းအဖွဲ့ ၂ ခေါင်းဆောင်)က အဖွင့်အမှာစကားပြောကြားခဲ့ပြီး မွေးမြူရေးနှင့်ကုသရေးဦးစီးဌာန (ရုံးချုပ်)၊ ပြည်သူ့ကျန်းမာရေးဌာနခွဲမှ သုတေသနအရာရှိ ဒေါက်တာလှိုင်ဝင်းက ဝက်မွေးမြူရေးဆိုင်ရာအသိပညာပေးဟောပြောခြင်း၊ ဇီဝလုံခြုံမှုဆိုင်ရာသင်တန်းပေးခြင်းတို့အား ဆောင်ရွက်ခဲ့ပါသည်။ အဆိုပါသင်တန်းသို့ ဝက်မွေးမြူသူ ၃၀ ဦး တက်ရောက်ခဲ့ပါသည်။ ဝက်မွေးမြူသူများအား လက်တွေ့ပိုးသတ်သန့်ရှင်းရေးလုပ်ငန်းများလေ့ကျင့်ပြသခြင်းကို အဆိုပါကျေးရွာရှိ ဦးမျိုးမင်းရွှေ၏ ဝက်မွေးမြူရေးခြံတို့တွင် လက်တွေ့ကွင်းဆင်းပြသခဲ့သည်။
